QUARTIERI

Se sente è sunà è tambure ajnt’ ’e foreste
c’avvisa ca nun se pava chesta festa
se vede e’ ballà liune ’e coccodrille
’nzieme e’ serpienti jè ragne a mille a mille

Abbascio addò stongo e’ casa ’sti guagliune
stanno cò sanghe all’uocchie pè paure
pigliano ’e mazze mmano e chè buatte
spaccano a’ capa a chillo cà nun allucca
spaccano a’ capa a chillo cà nun allucca

Meglio o’ sole ca ce porta calore
ca ’sti facce appese, oj nè
meglio cà ’ggente nun lascia ’o sentimento
ca’ si ’o perde comme fa
janche e nire ma che vulite ancora
ca nun ce sta tiempo cchiù
guarda ’o cielo quanti culure tene
e nuje stamme a ce sparà

Tu vire quanti africane a via Tuledo
sonano ’e Bongos e venneno ’e cullane
teneno ’e facce nere je manno chiare
cantano “comm’è bell’ Maruchiaro”

Se sente ’e sunà ’e tammorre int’ ’e quartiere
cantano e’ mbruoglie e balla ’o brigadiere
nisciuno cchiù vò stà peggio d’ajere
datece ammore e basta cò veleno
datece ammore e puozze jettà ’o veleno

Meglio ’o sole

S’JE FOSSE NATO

S’je fosse nato int’â campana,
mo’ già fosse sacrestano.
S’je fosse nato int’ô cunvento,
mo’ nun stesse malamente...
mo’ non stesse malamente.
S’je fosse nato int’a na scòla,
mo’ già fosse prufessore.
S’je fosse int’ê quartiere,
mo’ già stesse a ’e Filangiere...
mo’ già stesse a ’e Filangiere.
S’je fosse nato carabiniere,
mo’ già fosse brigadiere.
S’je fosse nato int’a ’na guerra,
mo’ già stesse sotto terra...
mo’ già stesse sotto terra.
S’je fosse nato ’mmiez’ô ggrano,
mo’ ’o magnasse ogni simana.
S’je fosse nato int’â campagna,
mo’ piantasse ll’erba bona...
mo’ piantasse ll’erba bona.
S’je fosse nato ’mmiez’ô mare,
me magnasse ’o pescecane.
S’je fosse nato int’ê mattune,
m’aizasse ’e palazzune...
m’aizasse ’e palazzune.
S’je fosse nato ô parlamento,
mo’ già fosse na samenta.
So’ nato mmiez’a chesta gente,
tutte ’e guaie ’e tengo mente...
tutte ’e guaie ’e tengo mente...
tutte ’e guaie ie tengo mente.

Cantann’ê strofe,
sòna ’o rilòrgio,
passano ll’ore,
passano ’e juorne.

Nasce int’â paglia
’n’ata stagione,
s’appiccia e squaglia...
vène Baffone...
vène Baffone

HEI MARÌ

Hei Marì
m’aggio sunnato ca’ vulavo
’nzieme agli angeli
hei Marì
aggio guardato l’anima
e chi sta durmenno ancora
hei Marì
cesta ’na via ca t’accarezza
fino a t’addurmì
hei Marì
basta ca’ tu guardave meglio
dint’ o core mio
danzano gli alberi qui
nei venti
tremano gli uomini
nei venti di guerre
sai Marì
c’è chi dimentica
che siamo come angeli
sai Marì
c’è chi non trova pace
e ammazza i neri e i poveri
sai Marì
se coltiviamo il nostro amore
lo versiamo lì
sai Marì
se si potesse fare il vento
soffieremmo lì
danzano gli alberi qui
nei venti
tremano gli uomini
nei venti di guerre